Районыбыҙҙа арҙаҡлы яҡташтарыбыҙҙың яҡты иҫтәлектәрен мәңгелләштереү буйынса эштәр дауам итә. Бөгөн шундай шәхестәребеҙҙең береһе – тыуған еребеҙгә лайыҡлы хеҙмәт иткән абруйлы яҡташыбыҙ, үҙ ғүмерен балалар уҡытыуға һәм тәрбиәләүгә бағышлаған мәғариф ветераны – “Халыҡ мәғарифы отличнигы”, “Башҡорт АССР-ның атҡаҙанған уҡытыусыһы” Бикмөхәмәтов Шаһиғәли Зәйниғәли улының иҫтәлегенә таҡтаташ асылды. Беҙ данлыҡлы шәхестәребеҙ менән хаҡлы рәүештә ғорурланабыҙ, уларҙы хөрмәт итәбеҙ һәм онотмайбыҙ.